Asisten: Natalia Caparrini, vicerreitora de Estudantado e Empregabilidade, e Eva María Lantarón, vicerreitora do campus de Pontevedra

O campus de Pontevedra acolle unha Xornada de portas abertas, dirixida a centros educativos de Galicia con alumnado de bacharelato e ciclos superiores de FP que desexen coñecer en primeira persoa a oferta académica e as infraestruturas da Universidade.

Coa participación de preto de 500 estudantes, procedentes de sete centros, a actividade arrincará cunha recepción institucional no auditorio do Pazo da Cultura. Tras esta terán lugar unha serie de visitas ás diferentes facultades e escolas, segundo unha serie de itinerarios por ámbito de interese.