Máster Universitario en Xenómica e Xenética
Características
Área de coñecemento
Centros
Coordinación do título
Descrición
A xenómica é unha disciplina relativamente moderna, que se desenvolve a partir dos logros da tecnoloxía do ADN recombinante e de novos métodos de secuenciación e de aproximacións bioinformáticas. Grazas a estas metodoloxías é posible realizar varridos xenómicos que permiten unha comprensión integral do organismo e dos procesos da herdanza, especialmente en caracteres complexos. A xenética e a xenómica achegan o coñecemento para o desenvolvemento de novos produtos biotecnolóxicos, novos fármacos, a mellora da saúde humana e animal, a conservación e o manexo de plantas e de animais, o control de parasitos e de microorganismos, así como a comprensión dos fenómenos evolutivos do pasado e do presente de todos os organismos vivos.
Saídas profesionais
Investigación en xenómica e en xenética en institutos de investigación, en consellos xenéticos en hospitais ou centros de saúde; profesorado e persoal investigador en universidades, especialistas en xenética forense, centros de diagnóstico xenético, empresas farmacéuticas e biotecnolóxicas, centros de conservación da biodiversidade, centros de mellora xenética animal e vexetal.
Obxectivos xerais da titulación
O obxectivo do mestrado é satisfacer a demanda de profesionais ben preparados para o sector xenómico e xenético, de importancia crecente na nosa sociedade.
Mobilidade
Regulamento e normativa aplicable
Acceso e admisión
- Coherencia entre o perfil de ingreso establecido na memoria verificada e o perfil real do estudantado que solicita a admisión.
- Nota media da titulación que dá acceso ao mestrado.
Perfil de ingreso recomendado
O mestrado diríxese a persoas dinámicas, con interese na investigación científica e tecnolóxica e nunha formación actual e continua, así como na transferencia dos coñecementos xenéticos e xenómicos ao sector industrial e produtivo.
Pola propia transversalidade do mestrado, o perfil de ingreso é moi amplo e abrangue, en xeral, as ramas de coñecemento de ciencias, ciencias da saúde e enxeñaría e arquitectura.
Dentro destas ramas de coñecemento, as titulacións que dan acceso preferente son os seguintes graos, licenciaturas e enxeñarías:
Veterinaria, Bioloxía, Medicina, Biotecnoloxía, Bioquímica, Psicoloxía, Farmacia, Ciencias do Mar, Ciencia e Tecnoloxía dos Alimentos, Ciencias Ambientais, Química, Nutrición Humana e Dietética, Enxeñaría Biomédica, Enxeñaría Agrícola, Enxeñaría Agrícola e Agroalimentaria, Enxeñaría Forestal e do Medio Natural.