A selección farase en función de:

• Expediente académico
• Curriculum vitae en aspectos relacionados coa temática do mestrado
• Resto do curriculum vitae (experiencia profesional, bolsas obtidas, cursos etc.)
• Coñecemento de linguas de uso habitual en literatura científica (inglés)
• Entrevista persoal, se fose necesario
• Probas específicas de aptitude, se fose necesario
• Calquera outro criterio que poida ser establecido pola comisión académica do mestrado

Ademais de cumprir os requisitos necesarios para a súa admisión, valorarase positivamente que o alumnado cumpra as seguintes competencias transversais:

• Capacidade de aprendizaxe
• Capacidade de adaptación aos cambios
• Actitude positiva
• Capacidade de asumir responsabilidades
• Capacidade de comunicación oral e escrita
• Capacidade de planificación, coordinación e organización
• Capacidade de resolución de conflitos e problemas
• Capacidade de traballo en equipo
• Capacidade de análise
• Capacidade de traballo independente

Priorizaranse ademais da prelación anterior, as seguintes titulacións ou circunstancias:

• Titulados/as en ciencias da saúde: Enfermaría, Fisioterapia, Medicina, Farmacia, Nutrición e Dietética, e Veterinaria.
• Titulados/as en ciencias da vida: Bioloxía e Ciencias do Mar.
• Titulados/as en ciencias agroalimentarias: Enxeñaría Técnica Agrícola e Ciencia e tecnoloxía alimentaria. Deben realizar créditos adicionais sobre a formación básica.
• Outros titulados/as que a comisión académica do mestrado considere que poidan ter acceso a esta formación a partir da avaliación do seu expediente académico.
   

O obxectivo do Mestrado en nutrición é ofrecer unha cualificación especializada no campo da nutrición, proporcionando unha formación sólida tanto de carácter experimental como clínico.

Os obxectivos formativos xerais son:

• Desenvolvemento de habilidades intelectuais, organizativas, sociais e comunicativas axeitadas para o traballo académico ou profesional.
• Técnicas avanzadas de traballo en grupo.
• Presentacións orais. O alumnado debe ser capaz de comunicar as súas conclusións e coñecementos, así coma as razóns que os sustentan. Ademais , debe ser capaz de facelo, dirixíndose tanto a públicos expertos como non expertos, tal e como se describe nos descritores de Dublín.
• Aprendizaxe autónoma e autodirixida: o alumnado debe posuír habilidades de aprendizaxe que lle permitan estudar de forma independente.
• Pensamento crítico: neste obxectivo xeral, o programa segue as directrices establecidas polos descritores de Dublín, que afirman que o alumnado demostrará a capacidade de emitir xuízos baseándose en información incompleta.
• Investigación independente: segundo os descritores de Dublín, ao finalizar o mestrado, o alumnado debe posuír coñecementos que lle proporcione unha base para a orixinalidade no desenvolvemento ou a aplicación de ideas. Polo tanto, adherímonos ao obxectivo de ensinarlle ao alumnado a realizar investigacións independentes utilizando os coñecementos adquiridos durante o mestrado.
• Xestión e organización do tempo.
• Traballo interdisciplinar e transdisciplinar.
• Rigor e responsabilidade no traballo.
• A capacidade de adaptación a novas situacións e contornas profesionais de carácter intercultural: este obxectivo está directamente relacionado cun dos descritores de Dublín, no que se pretende que o alumnado saiba aplicar coñecementos e comprensión a través da capacidade de resolución de problemas en contornas novas e descoñecidas dentro de contextos máis amplos.

Os obxectivos educativos específicos (que se detallan no título) son:

• Adquirir coñecementos e habilidades que proporcionen unha formación de alto nivel nos fundamentos teóricos e prácticos da endocrinoloxía molecular, a fisioloxía e a fisiopatoloxía endócrinas, así como en conceptos de investigación que permitan unha comprensión global da patoloxía endócrina máis frecuente.
• Adquirir coñecementos, habilidades e capacidades que contribúan e complementen a formación teórica e práctica nas bases fisiolóxicas da nutrición e a dietética desde un punto de vista integrador, así como nas técnicas de manipulación, conservación e preparación de alimentos.
• Aplicar os coñecementos adquiridos e as habilidades de resolución de problemas en contornas novas e descoñecidas dentro de contextos máis amplos relacionados coa nutrición ou a endocrinoloxía.

As persoas egresadas poden traballar nos seguintes eidos: nutrición para a saúde, nutrición clínica ou alimentación comunitaria a través das seguintes ocupacións:

• Biotecnoloxía de alimentos
• Técnica/o de industria alimentaria
• Técnica/o de control de calidade do alimento
• Técnica/o de laboratorio de control de calidade alimentaria
• Dirección e control da produción industrial de alimentos
• Enfermería especializada en nutrición
• Fisioterapeuta especializada en nutrición
   

• Titulación de acceso relacionada coa especialidade.
• Curriculum vitae en aspectos relacionados coa temática do mestrado.
• Resto do curriculum vitae (experiencia profesional, bolsas obtidas, cursos, etc.).

Ademais, calquera persoa que desexe acceder a este mestrado debe cumprir o seguinte perfil de ingreso:

• Inclinación vocacional expresada no interese por comprender e facilitar a resolución das problemáticas nos procesos de ensino-aprendizaxe do ser humano, no seu ámbito pedagóxico e de interacción social.
• Disposición e motivación para a aprendizaxe de todos os contidos que se lle presenten neste mestrado e responsabilidade no seu propio proceso de aprendizaxe.
• Capacidade de reflexión e de facer achegas propias a todos aqueles procesos pedagóxicos, sociais, culturais, políticos que repercuten no campo do ensino.
• Compromiso en querer adquirir a máis alta formación e capacitación no desenvolvemento deste mestrado.
• Motivación para participar en todas aquelas accións que se lle propoñan tanto desde a estrutura interna dos estudos de mestrado como desde a universidade.
• Habilidades de comunicación e interrelación persoal.
• Compromiso social cara ao respecto, a tolerancia e a empatía.

Persoas tituladas universitarias en temas afíns á especialidade que se desexa cursar. No caso de que a titulación que posúa o estudantado non coincida coa especialidade que desexa cursar, deberá superar un exame ou unha proba de acceso.

O obxectivo principal é que o alumnado se familiarice cos contidos das materias relacionadas coa súa especialización docente, así como cos procesos de ensino e de aprendizaxe correspondentes.

• Trátase dun título oficial que habilita para o exercicio das profesións de profesor de educación obrigatoria, bacharelato, formación profesional e ensino de idiomas.
• Saber aplicar os coñecementos adquiridos e as súas habilidades de resolución de problemas en contornas novas ou descoñecidas dentro de contextos máis amplos (ou multidisciplinares) relacionados cos estudos.
• Ser capaz de integrar coñecementos e afrontar a complexidade de formular xuízos a partir dunha información que, aínda que incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
• Saber comunicar as súas conclusións (e os coñecementos e as razóns últimas que as sustentan) a públicos tanto especializados como non especializados dun xeito claro e inequívoco.
• Poseer as habilidades de aprendizaxe que lles permitan continuar estudando dun xeito que será en gran medida autodirixido ou autónomo.
   

Licenciaturas e graos:

• Do ámbito experimental: Bioloxía, Bioquímica, Biotecnoloxía, Ciencias Ambientais, Ciencias Mariñas, Química... 
• Do ámbito sanitario: Farmacia, Medicina, Veterinaria...
• Do campo da enxeñaría: Agronomía, Química, Ciencia e Tecnoloxía dos Alimentos, Organización de Empresas, Materiais...

Cada solicitude será avaliada en función da seguinte información, que debe acompañar a solicitude de admisión:

• Currículo da persoa solicitante, tendo en conta a cualificación para o ingreso e a súa formación previa (85 %).
• Carta con declaración de intereses, motivacións do alumnado e posibles informes de referencia das súas institucións de orixe (15 %).
• Opcionalmente, realizaranse unha ou máis entrevistas persoais (presencial ou por correo electrónico). A finalidade destas entrevistas é avaliar as cualificacións da persoa solicitante en relación co perfil de admisión, así como a aliñación dos seus intereses coas áreas de investigación dos grupos adscritos ao mestrado. Serán necesarias as entrevistas nos casos nos que a documentación presentada suscite dúbidas sobre algún dos méritos alegados ou no caso de empate entre varios candidatos/as. En todos os casos, teranse en conta as necesidades educativas especiais do alumnado con discapacidade.

Criterios de avaliación do currículo:

1. Formación académica (65 % do CV): Establécense como perfís de acceso preferentes os seguintes:
   1. Graos ou licenciaturas en Biotecnoloxía, Bioloxía, Química, Bioquímica, Ciencia e Tecnoloxía dos Alimentos, Farmacia, Medicina, Veterinaria, Ciencias Ambientais, Ciencias Mariñas e Enxeñaría Química ou Agrícola (nota media x 1).
   2. Graos, licenciaturas e posgraos noutras titulacións (nota media x 0,5).
2. Experiencia profesional (15 % do CV): só se considerará a experiencia profesional directamente relacionada co sector da biotecnoloxía. Avaliaranse varios aspectos como o posto, as responsabilidades, a duración do emprego, etc.
3. Experiencia investigadora (15 % do CV): analizarase a experiencia investigadora do alumnado, para o que se utilizará o baremo que establecen anualmente tanto a Universidade de Vigo como a Universidade da Coruña nas súas convocatorias de bolsas de investigación.
4. Outros méritos (5 % do CV): Consideraranse outros méritos relacionados co mestrado, como premios, cursos de formación, mestrados, asistencia a congresos, bolsas etc.

O mestrado pretende ser unha oferta de posgrao de calidade potencialmente útil para os graos ou licenciaturas en Biotecnoloxía, Bioloxía, Química, Bioquímica, Ciencia e Tecnoloxía dos Alimentos, Farmacia, Medicina, Química, Veterinaria, Ciencias Ambientais, Ciencias do Mar e Enxeñaría Química ou Agrónoma, así como unha vía para a formación de profesionais e doutores/as entre as persoas tituladas dos devanditos estudos.
 

O obxectivo principal é proporcionar unha formación avanzada, especializada e multidisciplinar en biotecnoloxía, dotando o estudantado das ferramentas necesarias para desenvolver carreiras investigadoras e profesionais. Polo tanto, este mestrado ten un dobre obxectivo:

• Profesionalización: formar estudantes que pretendan dedicarse profesionalmente á industria biotecnolóxica ou actualizar os coñecementos e mellorar a formación de persoas profesionais que xa se dedican a esta actividade.
• Académico-investigador: formar estudantes que pretendan incorporarse a centros de investigación científica en biotecnoloxía ou a equipos de investigación de entidades públicas, privadas e empresas.

• Currículo (90 %) 
  • Expediente académico (65 %): Bioloxía/Ciencias Mariñas (x 1,0); resto (x 0,5) 
  • Experiencia profesional no sector mariño (15 %) 
  • Experiencia investigadora (15 %) 
  • Outros méritos relacionados co mestrado (5 %)
• Carta de declaración de intereses, motivación e referencias (10 %)
• Entrevista persoal opcional, en caso de empate ou se a documentación achegada suscita dúbidas.
• Currículo (ata o 90% da nota):
• Expediente académico (ata o 65 % do CV). Como perfís de acceso preferente establécense os seguintes:
• Licenciatura/Grao en Bioloxía ou Ciencias do Mar (nota: nota media x 1).
• Licenciatura/Grao noutras titulacións das grandes aéreas de ciencias ou ciencias da saúde (nota: nota media x 0,5).
• Experiencia investigadora en bioloxía (ata o 15 % do CV). Colaboración en proxectos de investigación, en campañas oceanográficas, publicacións científicas, comunicacións a congresos e estancias de investigación;todos estes méritos deberán  non ter sido computados anteriormente no expediente académico.
• Experiencia profesional relativa á bioloxía (ata o 15 % do CV). Prácticas en empresas ou institucións, non incluídas previamente no expediente académico. Contratos en empresas e institucións.
• Outros méritos (ata o 5 % do CV).Consideraranse méritos formativos diversos, tales como cursos, bolsas, asistencia de ciclos e xornadas, premios, idiomas, outras titulacións, e outros méritos que o solicitante considere apropiado achegar.
• Cartas de interese (ata o 10% da nota):
• Declaración persoal de interese no mestrado (ata o 5 % da nota). Texto libre cunha extensión mínima de 200 palabras.
• Carta de recomendación (ata o 5 % da nota). Escrito de referencia e apoio ao estudantado, emitido preferentemente por un exprofesor.

Opcionalmente, realizarase unha entrevista persoal (de maneira presencial ou a través de videoconferencia ou do correo electrónico). O obxectivo desta entrevista é valorar o interese do alumnado solicitante no mestrado, aclarar posibles dúbidas na documentación ou méritos achegados e permitir o desempate de puntuación entre varios candidatos/as.

En calquera caso teranse moi en conta as necesidades educativas especiais do estudantadoderivada da súa discapacidade.
 

• Coñecemento físico-químico do medio oceánico e costeiro.
• Coñecemento da diversidade dos organismos mariños e as súas estratexias de adaptación.
• Comprender as interaccións entre os organismos mariños e os ecosistemas mariños e costeiros .
• Identificación do potencial interese económico e biotecnolóxico dos organismos mariños.
• Principios de explotación e sustentabilidade do medio mariño, planificación e supervisión da súa xestión.
• Identificación e avaliación da calidade ambiental do medio mariño e a lexislación vixente, así como xestión de consultarías ambientais.
• Catalogación, avaliación, conservación, restauración e xestión de áreas mariñas e costeiras protexidas; preparación, asesoramento xurídico e implementación de plans de xestión costeira.
• Manexo da metodoloxía de investigación, as técnicas de mostraxe e instrumentais e a análise de datos aplicadas ao medio mariño.
• Coñecemento de institucións, organizacións e lexislación relacionadas co medio mariño e os seus recursos empresariais e económicos.
   

Terán prioridade:

• As persoas graduadas ou licenciadas en Bioloxía, Ciencias Mariñas, Veterinaria e Ciencias Ambientais.
• As persoasgraduadas ou licenciadas en enxeñarías en Química, Farmacia e Enxeñaría Agroforestal.
• Outras titulacións en ciencias experimentais e enxeñarías.
• As persoas tituladas en ciencias da saúde.

Para os criterios específicos de valoración terase en conta o seguinte:

• O expediente académico (ata un 30 % de ponderación).
• Ter cursado materias básicas para a comprensión daquelas que deben cursarse no mestrado (xenética, microbioloxía, fisioloxía, bioquímica, zooloxía, botánica) (5 %).
• Coñecemento demostrado doutras linguas, principalmente inglés (10%).
• Experiencia profesional (15 %).
• Experiencia investigadora (15 %).
• Currículo (25 %).
   

Preferente:

• Persoas licenciadas ou graduadas en Bioloxía, Ciencias do Mar, Veterinaria ou Ciencias Ambientais.

Outros:

• Persoas licenciadas ou graduadas noutras titulacións de ciencias: (Química, Farmacia, Biotecnoloxía etc)
• Persoas licenciadas ou graduadas noutras titulacións de tecnoloxía (Enxeñaría Agrícola, Forestal etc.).
• Persoas licenciadas ou graduadas en ciencias da saúde.

• A bioloxía e a ecoloxía dos organismos acuáticos de interese para a acuicultura e como aplicar estes coñecementos ao cultivo.
• Os avances, metodoloxías e ferramentas empregadas no control do benestar, reprodución, nutrición, metabolismo, crecemento, xenética e patoloxía en especies de interese para a acuicultura.
• Os factores importantes para o crecemento, a reprodución e a supervivencia dos organismos acuáticos en cada etapa do ciclo reprodutivo, así como as condicións axeitadas da auga e das instalacións.
• A interacción da acuicultura e o medio ambiente, tanto no que respecta ao impacto ambiental das actividades de acuicultura como aos efectos do medio ambiente no benestar animal.
• Os criterios de deseño e os fundamentos de enxeñaría necesarios para promover e/ou xestionar de forma viable un sistema de acuicultura.
• Os fundamentos técnicos, de xestión e de mercado para a correcta organización dunha empresa de acuicultura.
• Os criterios necesarios para conseguir un produto de calidade mediante unha boa xestión de procesos.
• As metodoloxías e ferramentas necesarias para desenvolver a investigación en acuicultura en centros públicos e privados.
• Como planificar e desenvolver proxectos de investigación que permitan xerar novo coñecemento en acuicultura.
• A lexislación máis relevante neste campo.
   

Dentro destas ramas de coñecemento, as titulacións que dan acceso preferente son as seguintes licenciaturas, graos e enxeñarías: Medicina Veterinaria, Bioloxía, Medicina, Biotecnoloxía, Bioquímica, Psicoloxía, Farmacia, Ciencias Mariñas, Ciencia e Tecnoloxía dos Alimentos, Ciencias Ambientais, Química, Nutrición Humana e Dietética, Enxeñaría Biomédica, Enxeñaría Agrícola, Enxeñaría Agrícola e Agroalimentaria, Enxeñaría Forestal e do Medio Natural.

O mestrado diríxese a persoas dinámicas, con interese na investigación científica e tecnolóxica e na formación punteira e continua, así como na transferencia de coñecemento xenético e xenómico ao sector industrial e produtivo.

O perfil de entrada será moi amplo debido á natureza transversal do mestrado, abranguendo en xeral as ramas de coñecemento de ciencias, ciencias da saúde e enxeñaría e arquitectura.

O Mestrado en xenómica e xenética ten como obxectivo satisfacer a demanda de profesionais altamente cualificados para o sector xenómico e xenético, cada vez máis arraigado na nosa sociedade.

Investigación en xenómica e en xenética en institutos de investigación, en consellos xenéticos en hospitais ou centros de saúde; profesorado e persoal investigador en universidades, especialistas en xenética forense, centros de diagnóstico xenético, empresas farmacéuticas e biotecnolóxicas, centros de conservación da biodiversidade, centros de mellora xenética animal e vexetal.

Se o número de estudantes con interese en realizar o mestrado é superior ao límite de prazas establecido, realizarase unha selección en función dos seguintes criterios:

• Daráselle preferencia ao estudantado dos graos en Bioloxía, ordenados por expediente académico.
• O alumnado das titulacións de Ciencias Ambientais, Enxeñaría Forestal e do Medio Natural e Enxeñaría Agrícola e Agroalimentaria seguirá sendo ordenado por expediente académico.
• Finalmente, o estudantado das licenciaturas en Farmacia, Química, Veterinaria e Ciencias Mariñas (así como doutras licenciaturas de ciencias, se así o decide a comisión académica interuniversitaria), ordenado por expediente académico.
   

O mestrado ten un enfoque fundamentalmente práctico, co obxectivo de dotar o alumnado de todas as ferramentas que poida necesitar no futuro. Esta perspectiva é nova dentro do sistema universitario español porque, ata a data, ningún outro programa de grao comparte este enfoque.

Debido ao carácter interdisciplinar do mestrado, é importante que o perfil de ingreso presente unha formación básica característica de calquera enxeñaría: Física, Química, Matemáticas, Estatística, Informática, …

De igual maneira, é importante que tamén presente coñecementos tanto en contidos tecnolóxicos como os relacionados coa parte da ciencia biomédica: fundamentos de electrónica para biomédica, fundamentos de electricidade, sistemas mecánicos, ciencia e enxeñaría de materiais, bioquímica e bioloxía celular, fisioloxía xeral, estrutura e patoloxía médica e estrutura e patoloxía médico-cirúrxica, bioestatística, …

Por tanto, de acordo cos criterios de valoración de méritos establecidos no seguinte apartado, serán admitidos, no seu caso, sen complementos formativos os graduados/as en Enxeñaría Biomédica provenientes de calquera universidade española e estranxeira que se axusten ás características anteriormente indicadas, sempre tomando como referencia o Grao en Enxeñería Biomédica da Universidade de Vigo.

Para o resto de solicitudes en posesión dun grao en Enxeñería Biomédica que cumpran os requisitos de acceso, pero cun perfil que non se axuste ao plan de estudos de referencia, a comisión académica do mestrado, unha vez analizados os plans de estudos, establecerá os complementos formativos que deberán cursar.

As solicitudes de admisión ao Mestrado en enxeñaría biomédica que cumpran as condicións de acceso e os requisitos específicos de admisión serán avaliadas pola comisión académica do mestrado de conformidade coa seguinte fórmula: nota media do expediente do alumnado/nota media do seu grao.
 

O perfil de ingreso recomendado é o do Grao en Enxeñaría Biomédica.

Ademais do anterior, considerarase requisito preferente para a admisión a acreditación do nivel B1 en lingua inglesa.
 

• Formación avanzada e preparación para o desempeño profesional no desenvolvemento e aplicación da enxeñaría biomédica en todas as actividades que o requiran
• Proporcionar coñecementos e habilidades para desenvolver e aplicar ideas orixinais en contextos profesionais e de investigación, formular e resolver problemas complexos, tomar decisións e traballar e comunicarse eficazmente en contornos novos e multidisciplinares dentro do campo da enxeñaría biomédica.
• Proporcionar a capacidade de integrar coñecementos, identificar responsabilidades e implicacións éticas, sociais ou profesionais asociadas a situacións no campo da enxeñaría biomédica, e formular xuízos informados considerando o impacto global, económico, ambiental e social.
• Proporcionar a capacidade de deseñar, modelar matematicamente, simular, implementar e xestionar experimentos, sistemas e procesos complexos no campo da enxeñaría biomédica.
• Proporcionar os coñecementos e as habilidades para o deseño e a análise de sistemas, sensores e técnicas para o diagnóstico, a terapia e a monitorización, a capacidade de aplicar os principios da xeración de radiación, de empregar eficazmente a instrumentación e os métodos de observación, e de analizar e interpretar sinais e imaxes no campo da biomedicina.
• Proporcionar a capacidade para desenvolver modelos biomecánicos do sistema musculoesquelético, coñecementos de enxeñaría de tecidos e capacidades para a análise, manexo e deseño de biomateriais avanzados, capacidade para a análise teórica e a modelización dos aspectos mecánicos dos fluídos biolóxicos e capacidades para a aplicación dos principios da electroquímica no campo biomédico.
• Proporcionar a capacidade para xestionar e auditar o desenvolvemento, a produción e a calidade de produtos sanitarios e a capacidade para identificar necesidades na organización e xestión de servizos de enxeñaría clínica en centros sanitarios.

Terán acceso preferente as titulacións en Bioloxía, Biotecnoloxía, Bioquímica, Farmacia, Fisioterapia, Veterinaria, Medicina, Física e Enxeñaría Biomédica.

O proceso de admisión baséase no modelo de criterios xerais con cotas cuxa descrición se mostra a continuación:

As titulacións de acceso preferente son:

• 8 prazas para titulacións en Bioloxía, Biotecnoloxía e Bioquímica
• 7 prazas para Farmacia, Fisioterapia, Veterinaria e Medicina
• 6 prazas para Física e Enxeñaría Biomédica

O procedemento de admisión será o seguinte:

• Nota media do expediente académico.
• No caso que queden vacantes nalgunha cota, cubriranse as prazas co alumnado en lista de espera das outras cotas.
• No caso de que non se cubran todas as prazas coas titulacións preferentes poderase admitir alumnado doutras titulacións universitarias diferentes ás identificadas como preferentes para o acceso ao mestrado, que se detallan por ámbitos de coñecemento:
  • Ámbito científico: Química, Bioloxía Molecular e Ciencia e Tecnoloxía dos Alimentos
  • Ámbito de ciencias da saúde: Ciencias Biomédicas e Biomedicina
  • Ámbito tecnolóxico: Nanociencia e Nanotecnoloxía, Enxeñaría Química, Enxeñaría Química Industrial, Enxeñaría en Tecnoloxías Industriais e Telecomunicacións
     

O obxectivo principal do mestrado é dotar o alumnado de habilidades teóricas e prácticas nos campos da biofabricación, a enxeñaría de tecidos e a medicina rexenerativa; concretamente, no deseño de andamiaxes ou estruturas que sirvan como base para a rexeneración ou xeración de órganos e tecidos humanos, así como de preórganos útiles para a práctica médica ou as probas de fármacos. O programa tamén trata dispositivos médicos personalizados que reducen o risco de infección, melloran a usabilidade e ofrecen un rendemento clínico superior.

Os obxectivos da formación inclúen:

• Desenvolver habilidades e capacidades para o traballo interdisciplinar dada a natureza específica do campo da biofabricación, que integra coñecementos da enxeñaría, a ciencia dos materiais, a bioloxía e a medicina, entre outros.
• Mellorar o desenvolvemento das habilidades de investigación, innovación e emprendemento, en resposta á rápida e constante evolución desta disciplina e ao seu potencial comercial.