Licenciado e Doctor Europeus en Ciencias da Información pola Universidade Complutense de Madrid, e Doutor en Historia (con Premio Extraordinario) pola Universidade Nacional de Educación a Distancia.
No seu percurso académico, foi Endowed Chair Professor in Portuguese Studies (Fall semester 2013) na University of Massachusetts Dartmouth e FLAD/Brown Michael Teague Visting Professor in Portuguese & Brazilian Studies na Brown University (en Providence, Rhode Island, Spring semester 2017), así como Visiting Scholar en Harvard University e University of California Berkeley, ademais de profesor ou investigador convidado en diversas universidades de Francia, Italia, Brasil, México, Portugal, Ecuador ou España. A súa obra científica foi traducida ao inglés, portugués e francés, con libros publicados en Estados Unidos, Brasil, Portugal e España. Entre as súas monografías, están News on the American dream. A history of the Portuguese press in the United States (Tagus Press/University of Massachusetts Press, 2020). Publicou artigos científicos en revistas como Media History, Radio Journal, Journal of Spanish Cultural Studies e Journal of Iberian & Latin American Research.
Asemade, dirixiu 10 teses de doutoramento e foi presidente da Asociación de Historiadores da Comunicación (2007-2010) e director da Sección de Historia da Comunicación Social da Asociación Española de Investigación en Comunicación (2020-2024). Foi tamén decano da Facultade de Ciencias Sociais e da Comunicación da UVigo (2000-2003 e 2006-2009), vicedecano (1998-2000) e secretario académico (1996-1998), entre outros postos de responsabilidade.
Como xornalista, traballou como correspondente de Televisión Española (TVE), El Correo Gallego e Diario 16 de Galicia, así como analista semanal de actualidade informativa da Radio Galega (2003-2009). Entre outras distincións, obtivo o Premio de Xornalismo Francisco Fernández del Riego (2010).
