Espazo expositivo en Vigo

 

Segue a arte e as exposicións temporais organizadas pola universidade na Casa da Cultura Galega

A parcería que mantén a universidade co Concello de Vigo, permite a organización de exposicións na Casa Galega da Cultura, situada na Praza da Princesa da cidade olívica.

A Casa Galega da Cultura é un centro multidisciplinar, onde se unen a programación de actividades artísticas e literarias coa existencia dan fondo bibliográfico e museográfico altamente cualificado no estudo da realidade histórica e actual de Galicia.

Na actualidade é a sede da Fundación Penzol e da Bibloteca-Museo Francisco Fernández del Riego. Conta ademais cunha sala de exposicións temporais e cun salón de actos cun aforo de 66 persoas, cunha sala de lectura e cunha sala para investigadoras e investigadores.