Coros universitarios

Son numerosas as actuacións realizadas despois de máis de 20 anos. Algunhas das máis relevantes:
Ciclos culturais "Música e arte" e "Gran Jubileo 2000" celebrados na catedral de Tui, XI Centenario da unión de Huesca ao Reino de Aragón en Huesca, proxecto "Visión de futuro" co grupo Milladoiro dentro da obra Iacobus Magnus na Universidade de Vigo, himno propio da universidade "Gloria tibi sit" estrenado en Ourense, X Mostra galega de coros polifónicos da Consellaría de Familia da Xunta de Galicia, Semana Santa no círculo cultural mercantil de Vigo, concerto extraordinario de nadal na concatedral de Vigo, 250 cabodano da morte de J. S. Bach en Sevilla e moitas outras por España adiante. Tamén se fixeron actuacións por todo Portugal: Encontro de coros ibéricos en Oporto, Semanas culturais de Braga, Guimarães, Paços de Ferreira, Coimbra, Évora, Lisboa, Aveiro etc.

Nuria Lorenzo López é a directora do coro da Universidade de Vigo. Naceu en Vigo, Pontevedra. Comeza os ses estudos de música e canto na escola de música Scola Cantorum Santa Cecilia de Vigo. Máis tarde ingresa no Conservatorio Superior de Vigo para seguir os seus estudos de canto. Foi galardoada en varios concursos internacionais de canto. Fai o seu debut operístico no Palacio da Ópera da Coruña e no Auditorio de Galicia no ano 2004 co papel Alisa de Lucía de Lamermoor. Séguenlle os roles de Suzuki de Madame Butterfly en Vigo, Almería, Salamanca e Alacant, Imelda de Oberto Conte di San Bonifacio no Palacio Euskalduna de Bilbao, Fata de verde de La bella dormente de Respighi no Teatro Arriaga e The second maid de Electra no Palacio Euskalduna. Actualmente compaxina a súa carreira como solista coa dirección coral.

Contacto: coro@uvigo.es

Gaudeamus igitur (Alegrémonos pois) é unha canción estudantil alemá de autoría anónima. En realidade titúlase De brevitate vitae ("Sobre a brevidade da vida"). Aínda sendo pouco académica a súa letra, a maioría das universidades occidentais tomárona como himno propio, entoándoa nas grandes solmnidades académicas. Seguidamente reproducimos todo o texto de que consta a súa letra, aínda que a maioría dos coros e tamén o noso, interpreta soamente as estrofas 1.ª, 2.
 

Gaudeamus igitur,
iuvenes dum sumus. (bis)
Post iucundam iuventutem,
post molestam senectutem,
nos habebit humus.
Ubi sunt qui ante nos
in mundo fuere?
Vadite ad superos,
Transite ad inferos,
ubi iam fuere.
Vita nostra brevis est,
breve finietur.
Venit mors velociter,
rapit nos atrociter,
nemini parcetur.
Vivat Academia,
vivant professores.
Vivat membrum quodlibet,
vivant membra quaelibet,
semper sint in flore.
Vivant omnes virgines,
faciles, formosae
vivant et mulieres
tenerae, amabiles
bonae, laboriosae.
Vivat nostra societas!
Vivant studiosi!
Crescat una veritas,
floreat fraternitas,
patriae prosperitas.
Vivat et res publica,
et qui illam regit.
Vivat nostra civitas,
Maecenatum charitas,
quae nos hic protegit.
Pereat tristitia,
pereant osores.
Pereat diabolus,
quivis antiburschius,
atque irrisores.
Quis confluxus hodie
Academicorum?
E longinquo convenerunt,
Protinusque successerunt
In commune forum.
Alma Mater floreat
quae nos educavit,
caros et conmilitones
dissitas in regiones
sparsos congregavit.

Gústache a música e sentes auténtica paixón polo cante?

Anímate a participar no coro da Universidade de Vigo. 

Para pertencer ao coro non é imprescindible ter coñecementos previos de música, só che pedimos seriedade e que asistas aos ensaios, onde aprenderás a cantar e recibirás nocións básicas de solfexo. Pronto descubrirás que á parte de que o canto e a música en grupo son divertidos, tamén axudan a combater a tensión e a ansiedade propias dos anos de carreira universitaria. Así mesmo, co obxecto de evitar calquera interferencia nos exames anuais dos compoñentes, durante os meses de febreiro e xuño non se programa ningunha actuación, soamente se fan os ensaios habituais.

A inscrición está aberta a calquera membro da comunidade universitaria (alumnado, PAS ou profesorado). Tamén poderán facelo aquelas persoas que sen ter vencello coa universidade, considere o director ou directora do coro que a súa contribución, calidade de voz e coñecementos musicais pidan ser relevantes. A cota de persoas alleas á institución universitaria non poderá exceder do 25% de compoñentes no momento da petición de incorporación (Artigo 3.º, Apartado D dos estatutos do coro).

O prazo de inscrición permanece aberto e pode facerse no Servizo de Extensión Universitaria.

Xabier Álvarez Iglesias comeza a súa vida profesional como mestre rural na década dos 70 sendo membro activo do grupo Freinet do Movemento cooperativo da Escola popular galega e impulsor e dinamizador do
movemento das escolas unitarias. No ano 1982 é seleccionado polo MEC para realizar o I Curso de Monitores de Música para o profesorado de EXB, fito que marca o inicio do proceso de normalización da educación musical neste país.

Retoma entón os seus estudos musicais no Conservatorio de Ourense ao tempo que realiza diversos cursos de especialización nas máis importantes pedagoxías musicais do momento: Orff, Kodaly, Dalcroze, Willems e participa en diversas iniciativas de innovación educativa en pedagoxía musical. Accede ao cargo de Asesor Técnico-Pedagóxico de Música no centro de Formación Permanente do Profesorado, desde onde imparte e dirixe
numerosos cursos e actividades de formación para o profesorado de música.

Foi pioneiro na introdución da educación musical nos colexios desta provincia e destacou como impulsor e dinamizador de diversas corais e agrupacións musicais infantís e xuvenís entre as que cabe destacar a
Agrupación Musical do Colexio de Seixalbo coa que obtivo importantes galardóns a nivel galego ou a Coral Municipal Xuvenil de Ourense, única no seu xénero en Galicia. 

Iniciouse na dirección coral como Subdirector do Orfeón Unión Ourensá pasando posteriormente a fundar e dirixir as corais: Capela Madrigalista, Camerata Auriense, Coral do Grupo COREN, Coro de Cámara do Club Artístico de Ribadavia ou a Coral Tempos Novos de Cabeza de Vaca.

No ano 2009, despois de ter realizado os estudos da licenciatura en Psicopedagoxía, presenta a súa tese de doutoramento baixo o tíduo: Música para convivir, na que aúna as que foron as súas grandes liñas de actuación profesional: a educación para a convivencia e a educación musical.

Contacto: +34 636 290 479
coro.ourense@uvigo.es / xabimusic@hotmail.com