Terán prioridade as persoas tituladas en disciplinas relacionadas co ámbito xurídico e social e, entre estas,  as que posúan unha licenciatura ou enxeñaría sobre unha diplomatura.

A valoración das candidaturas por parte da comisión de avaliación do mestrado (CAM) será mediante expedientes académicos e currículos. Os procedementos e criterios específicos de admisión son:

• Requírese formación específica previa.
• Valoración de méritos propios do mestrado.
• Experiencia profesional e outros méritos relacionados coa administración de empresas e a responsabilidade social ou que reflictan as aptitudes da persoa candidata para esta actividade.
• Interese xustificado na materia do mestrado e adecuación ao perfil, que poderá xustificarse mediante entrevista persoal, carta de motivación e interese no mestrado e/ou carta de recomendación, se a comisión académica do mestrado así o considera.

O perfil do MAiE, deseñado para formar profesionais capaces de xestionar empresas socialmente responsables, está dirixido principalmente a persoas graduadas/licenciadas en Administración e Dirección de Empresas, Economía, Publicidade e Relacións Públicas, Enxeñería Superior, Dereito e/ou Relacións Laborais. Con todo, esténdese o abanico de candidaturas a calquera titulado/a universitario que queira desenvolver a súa carreira profesional no ámbito da alta dirección de empresas e a profesionais vinculados ao ámbito da dirección de empresas socialmente responsables que desexen actualizar os seus coñecementos e mellorar as súas competencias. Resulta aconsellable que o alumnado mostre:

• Interese pola actividade empresarial e a súa responsabilidade social
• Actitude favorable cara á integración en equipos de composición diversa
• Capacidade de adaptación

Proporcionar as habilidades de xestión e de liderado necesarias para deseñar e implementar proxectos empresariais nun contexto integrado coas realidades sociais e económicas. Ser socialmente responsable e servir de ponte entre o mundo académico e a industria.

Dado o carácter profesional e especializado da titulación, daráselles preferencia ás seguintes cualificacións:

• Títulos en Finanzas, Economía e campos relacionados, incluíndo títulos en Economía, Administración de Empresas, Dereito e Enxeñaría, cun expediente académico reavaliado en función da media das cualificacións. Nesta sección considéranse os seguintes:
  • A) Titulacións directamente relacionadas coa materia do mestrado, como Administración de Empresas, Economía, Comercio, Finanzas ou titulacións similares en países estranxeiros (5 puntos).
  • B) Titulacións relacionadas como Dereito, Relacións Laborais, Enxeñaría ou similares en países estranxeiros, sempre que o currículo inclúa materias relacionadas coa contabilidade e a xestión financeira básica (2,5 puntos).
  • A nota media do expediente académico ponderarase cun 100 % para o apartado A) e cun 50 % para o apartado B). Este resultado súmase á puntuación total obtida polo candidato/a.
• Vinculación profesional con empresas de calquera tipo ou con entidades financeiras.
  • Cada ano de experiencia laboral documentada en postos directamente relacionados coas competencias e materias do mestrado valórase con 1 punto, ata un máximo de 2 puntos.
• Interese xustificado na materia do mestrado. Teranse en conta aspectos como os seguintes:
  • Os cursos curtos de especialización en materias relacionadas coas competencias do mestrado, incluídas as linguas, recibirán 0,5 puntos cada un.
  • Aos cursos de posgrao ou aos mestrado de longa duración en materias relacionadas coas competencias do mestrado outorgaránselles ata 2 puntos.
  • A documentación adicional que exprese interese, como cartas de intención ou cartas de presentación, puntuarase con 0,5 puntos.

Requisito adicional para candidatos/as de países estranxeiros: a sección 1.3.1 da descrición do programa especifica que a lingua de instrución é o español. Polo tanto, os candidatos/as de países onde o español non é a lingua oficial deberán acreditar o seu dominio mediante un certificado ou unha declaración xurada.

A persoa candidata ideal para este mestrado é unha persoa licenciada en Economía, Administración de Empresas, Comercio ou un campo relacionado, xa sexa de España ou doutros países. Tamén se poden considerar outras titulacións, como Dereito ou Enxeñaría, sempre que o plan de estudos inclúa cursos relacionados coa contabilidade básica e a xestión financeira. En xeral, o programa é axeitado para persoas tituladas con estudos centrados na xestión económica ou empresarial, as finanzas ou a contabilidade. O mestrado está deseñado tanto para persoas que acaban de titularse e sen experiencia profesional, como para profesionais dos sectores empresarial e financeiro que desexen ampliar os seus coñecementos financeiros completando este mestrado. O programa ofrece un horario compatible cos compromisos laborais. 

O obxectivo principal do mestrado é proporcionarlle ao estudantado unha formación avanzada, especializada e multidisciplinar en finanzas corporativas, cun enfoque profesional. O programa ofrece formación que lle permite acceder a postos profesionais relacionados coa administración e a xestión financeira en empresas e institucións financeiras.

Aínda que a docencia se impartirá nas linguas oficiais de Galicia, cómpre sinalar que algunhas das referencias bibliográficas de uso universal nos estudos de posgrao en economía só están dispoñibles en inglés. Polo tanto, aínda que non se require ningún certificado de coñecemento da lingua inglesa, infórmase o futuro estudante das vantaxes da comprensión lectora en inglés e que o coñecemento desta lingua considerarase unha vantaxe.

As solicitudes seleccionaranse segundo os seguintes criterios:

• Daráselles preferencia ás solicitudes de estudantes con títulos en Economía, Administración de Empresas, Matemáticas, Estatística ou as diversas ramas da Enxeñaría.
• No sistema de puntuación para ordenar as solicitudes, utilizarase o expediente académico (que se pondera cun 75 % do total) e outros méritos (experiencia profesional, coñecementos de idiomas etc., que se pondera co 25 % restante do total).
• Se é necesario, realizarase unha entrevista persoal.
   

Tendo en conta os obxectivos da titulación, o perfil recomendado é o dunha persoa interesada en afondar e completar os seus coñecementos de economía, xa sexa para continuar os seus estudos orientándose cara a un perfil de investigación co obxectivo de realizar unha tese doutoral, para desenvolver unha carreira profesional ou para prepararse para oposicións orientando o seu futuro cara á función pública.

Entre as persoas estudantes potenciais inclúense aquelas con licenciaturas en Economía e en Administración de Empresas. O mestrado tamén é axeitado para estudantes con títulos en diversos campos científicos (particularmente matemáticas, estatística e ciencias ambientais) e diferentes ramas da enxeñaría.
 

• Formar profesionais da economía e da empresa cunha alta formación académica que lles permita incorporarse á vida profesional cun alto nivel de capacitación para a toma de decisións estratéxicas.
• Preparar o alumnado para emprender con éxito estudos de doutoramento posteriores, se desexan continuar a súa formación académica.
   

O mestrado é recomendable para calquera persoa graduada que acredite uns coñecementos básicos en matemáticas e estatística, con motivación para a análise, visualización e modelado de datos en calquera contexto.
 

• Orientación profesional: proporcionar formación sobre a aplicación dos métodos da estatística e a investigación de operacións. 
• Orientación académica: capacitar o estudante para a investigación no ámbito da estatística e da investigación de operacións. 
• En particular, esta titulación da acceso ao Programa de doutoramento interuniversitario en estatística e investigación operativa.