Farase unha selección segundo os seguintes criterios:
1) Expediente académico (ata un 60 %).
2) O currículo completo (ata un 25 %).
3) Posuír títulos universitarios nos campos das Artes e Humanidades ou das Ciencias Sociais e Dereito, que se enumeran a continuación por orde de prioridade (ata un 15 %):
- Grao (ou licenciatura) en Lingua e Literatura Españolas.
- Grao (ou licenciatura) en Lingua e Literatura e Literatura Inglesa/Francesa/Alemá/Italiana/Portuguesa/en Linguas e Literaturas Modernas/en Lingua e Literatura Galega/en Filoloxía Clásica.
- Grao (ou licenciatura) en Lingüística Aplicada/en Lingüística/en Lingüística e Ciencias da Linguaxe.
- Grao (ou diplomatura) en Mestre/a de Educación Infantil/Mestre/a de Educación Primaria/Grao (ou licenciatura) en Pedagoxía.
- Grao (ou licenciatura) en Tradución e Interpretación.
- Licenciatura en Humanidades.
- Mestrado en lingua e literatura Españolas.
- Mestrado en lingüística aplicada.
- Mestrado en profesorado de educación secundaria, formación profesional e ensino de idiomas. Especialización en linguas e literaturas.
- Mestrado en profesorado de educación secundaria, formación profesional e ensino de idiomas. Especialización en linguas e literaturas estranxeiras.
- Mestrado en investigación e innovación en didácticas específicas para a educación infantil e primaria/Mestrado en pedagoxía.
- Outras titulacións universitarias nos campos das artes e humanidades e das ciencias sociais e xurídicas.

Para o alumnado que solicite a admisión e que estea en posesión dunha titulación distinta das incluídas na lista anterior, a avaliación basearase na idoneidade da súa formación previa e nos coñecementos recomendados no perfil de acceso.

O obxectivo fundamental deste mestrado é formar profesionais na ensinanza do español como lingua estranxeira ou segunda lingua, cualificados tanto para a docencia como para a investigación. En base a este obxectivo xeral, desenvólvense os seguintes obxectivos específicos, que definen de xeito amplo os resultados da aprendizaxe e da formación:
- Proporcionar os coñecementos e as habilidades necesarias para un desempeño profesional eficiente, adaptable e de calidade no campo da ensinanza do español como lingua estranxeira (L2).
- Promover a investigación no campo da ensinanza do español como segunda lingua (LEE/L2).
- Proporcionar as ferramentas necesarias para organizar e xestionar os procesos de ensino e aprendizaxe do español como lingua estranxeira (L2).
- Proporcionar recursos para responder ás perspectivas da industria do español como lingua estranxeira nas súas diferentes dimensións.
- Promover actitudes positivas cara á diversidade lingüística e cultural.

- Posuír un título universitario oficial , preferentemente relacionado con filoloxía , estudos literarios, música, artes escénicas, educación ou titulacións afíns. O mestrado está aberto a todo tipo de titulacións .
- Expediente académico.
- Avaliación da adecuación da formación previa ao contido do programa de mestrado.
- Consideración da experiencia académica ou profesional.
 

Persoas tituladas en áreas como Filoloxía, Estudos Literarios, Educación, Dramaturxia, Música ou disciplinas afíns. O mestrado constitúe unha vía adecuada tanto para a especialización profesional como para o acceso a estudos de doutoramento. Persoas que desenvolven traxectorias profesionais no ámbito da creación escénica, da investigación, da crítica teatral e musical, da docencia e da xestión cultural.

- Proporcionar formación avanzada e interdisciplinar en literatura dramática, música e artes escénicas.
- Desenvolver competencias para a análise crítica, a investigación e a creación no ámbito escénico.
- Afondar no coñecemento histórico e contemporáneo das artes escénicas e das súas relacións con outras artes.
- Capacitar para a práctica profesional, a xestión cultural e o acceso a estudos de doutoramento.

- Creación e produción escénica e musical
- Investigación académica e acceso a estudos de doutoramento
- Crítica teatral, musical e cultural
- Docencia en ámbitos artísticos, culturais e educativos
- Xestión cultural e programación de actividades escénicas

O estudantado que queira ser admitido no título deberá estar en posesión dun grao (ou licenciatura) e daráselle prioridade a graos (ou licenciaturas) en Tradución e Interpretación e noutras disciplinas, pero con experiencia profesional nos diferentes ámbitos da tradución multimedia. No entanto, este mestrado poderá admitir persoas tituladas doutros ámbitos sen experiencia profesional, sempre que acrediten o dominio das seguintes linguas no nivel indicado: 

• Español, galego ou portugués (nivel C1 do MCER).
• Inglés (nivel B2 do MCER). 

O requisito de acreditación de linguas só é de aplicación para o caso de idiomas non nativos.

Os criterios específicos de admisión basearanse nos seguintes aspectos: 

• Adecuación da titulación de acceso aos contidos do máster
• Expediente académico
• Outros méritos relacionados cos ámbitos da tradución audiovisual, da localización e da accesibilidade (experiencia laboral, formación extracurricular, participación en actividades relacionadas co ámbito da tradución multimedia etc.)

O primeiro dos criterios valorará a adecuación da titulación de acceso de forma non binaria, é dicir, outorgando unha puntuación segundo a titulación sexa máis ou menos afín. 

• O expediente académico terá un peso máximo do 50 % do total
• A adecuación da titulación terá un peso máximo do 20 %
• Outros méritos un peso máximo do 30 % 
   

• Completar a formación de estudantes e profesionais en tradución, accesibilidade e campos relacionados en contornas multimedia.
• Coñecer as diferentes modalidades de tradución audiovisual e de accesibilidade (códigos de significado do texto audiovisual, etapas do proceso de dobraxe/subtitulado/voces superpostas…, técnicas de tradución para dobraxe, subtitulación e voces superpostas…, estratexias de adaptación de textos en subtitulado para xordos prelocutivos e en lectura fácil, técnicas de audiodescrición etc.).
• Coñecer as ferramentas tecnolóxicas empregadas na tradución multimedia, na localización e na xestión de proxectos.
• Coñecer os modelos de análise que permitirán realizar críticas rigorosas, sempre na procura da calidade do produto final traducido.
• Coñecer a contorna profesional e empresarial que ofrece oportunidades profesionais para os especialistas en tradución multimedia e accesibilidade.
   

Este posgrao céntrase en sectores clave da industria dixital que demandan tradutores/as especializados:

• Localización: tradución e adaptación de software, páxinas web e aplicacións móbiles
• Tradución audiovisual: subtitulación, dobraxe e voces superpostas
• Videoxogos: tradución e axuste cultural de xogos interactivos
• Accesibilidade: creación de audiodescricións para persoas con discapacidade visual e subtitulado para persoas xordas.
• Novas tecnoloxías: uso de ferramentas avanzadas de xestión de proxectos e tradución asistida por ordenador.
• Xestión de proxectos de tradución multimedia.
• Producións accesibles.

Requisito obrigatorio
- Posuír o nivel C1 tanto oral como escrito.

Criterios de admisión

Será admitido no mestrado calquera estudante que completara con éxito unha licenciatura ou diplomatura no campo das artes e humanidades, xa sexa un título español ou expedido por unha institución de educación superior do espazo europeo de educación superior.

O perfil de acceso das persoas solicitantes, por orde de prioridade, será o seguinte:

1. Licenciatura en Filoloxía Inglesa, Linguas Estranxeiras, Estudos Ingleses ou titulacións similares.
2. Graos e mestrados noutras filoloxías e linguas e en lingüística.
3. Grao e mestrado en Tradución e Interpretación, en Humanidades e en Socioloxía (que acreditan coñecementos avanzados de inglés escrito e falado).
4. Título de bacharelato e outras titulacións (que acrediten coñecementos avanzados de inglés escrito e falado).

Acceso preferente
Terán acceso preferente ao mestrado aquelas persoas que acrediten estar en posesión dunha:
- Licenciatura ou mestrado en Filoloxía Inglesa, Linguas Estranxeiras, Estudos Ingleses, Lingua, Literatura e Cultura Inglesas, Lingua Irlandesa, Lingüística Inglesa ou similares.

Outras vías de acceso
Así mesmo, poderán acceder as persoas solicitantes que posúan un:
- Diploma de estudos avanzados (DEA) ou suficiencia investigadora nas áreas de Filoloxía Inglesa, Filoloxía, Tradución e Interpretación e Humanidades.
- Diploma de estudos avanzados (DEA) ou suficiencia investigadora en Comunicación, Ciencias Sociais e Socioloxía, Ciencias Políticas e da Administración, Educación Infantil, Educación Primaria, Educación Social e Pedagoxía, Historia e Filosofía, sempre que demostren coñecementos avanzados na lingua inglesa.

Requisitos de admisión e/ou criterios de avaliación específicos
- Expediente académico (70 %).
- Currículo, con especial atención á experiencia relacionada co programa (15 %).
- Carta de interese redactada en inglés (15 %) ou, se a comisión o considera necesario (ver os casos en «requisitos»), entrevista en liña.
 

O iMAES é un requisito previo para a admisión a calquera programa de doutoramento en estudos ingleses, incluído o IDAES, un programa de doutoramento interuniversitario organizado conxuntamente polas universidades de Santiago de Compostela, A Coruña e Vigo. Máis concretamente, o mestrado proporciona a orientación necesaria para a investigación e a docencia no ámbito universitario nos diversos campos de especialización do seu profesorado, a saber: variación e cambio lingüístico (principalmente desde a perspectiva da gramática cognitiva e a gramática da construción); lingüística de corpus; sociolingüística; psicolingüística e procesamento da linguaxe; pragmática e análise do discurso; estudos contrastivos; inglés para fins específicos; ensino e adquisición de linguas; literaturas e culturas anglófonas; estudos sobre literatura e identidade; estudos de xénero; ecocrítica; estudos literarios e cinematográficos; e tradución literaria.

O mestrado é un excelente complemento aos estudos para o acceso á docencia no ensino secundario, así como para outros perfís profesionais diversos nos ámbitos da tradución, a mediación e a xestión cultural, o turismo, a edición, a crítica literaria e cinematográfica, o xornalismo e a publicidade.
 

- Expediente académico: 75 %.
- Currículo: 20 % (valorarase a posesión do nivel C1 en español ou en galego para estudantado estranxeiro).
- Estar en posesión dunha licenciatura ou dun grao en Filoloxía, Lingüística, Tradución e Interpretación, Linguas/Letras ou doutras licenciaturas ou graos das áreas de humanidades ou ciencias sociais: 5 %.

1. Poderán matricularse no mestrado estudantes con títulos en Filoloxía, Lingüística, Tradución e Interpretación, Linguas/Letras e outras titulacións nas áreas de humanidades ou ciencias sociais.
2. O alumnado con título universitario de diplomado poderá cursar o mestrado se o seu plan de estudos inclúe materias relacionadas con linguas ou co ensino de idiomas.
 

O obxectivo principal desta titulación é permitir que o alumnado, segundo a súa formación previa, adquira e/ou reforce a súa formación en lingüística avanzada (módulo de cursos obrigatorios, con materias de carácter metodolóxico e fundamental) e se especialice nun dos bloques temáticos de carácter esencialmente aplicado nos que se agrupan as materias optativas:
- Adquisición e ensino de linguas
- Recursos de comunicación e lingüística
- Léxico, gramática e variación

Criterios de admisión

Grupo 1 (50 % das prazas reservadas)

Poderán acceder de forma preferente as persoas tituladas en Grao ou Máster en Tradución e Interpretación.

Grupo 2

Poderán solicitar o acceso as persoas cun grao ou mestrado nas seguintes áreas de coñecemento:

1. Antropoloxía Social e Cultural, Belas Artes, Ciencias da Información, Ciencias do Traballo, Ciencias Políticas e da Administración, Ciencias Políticas e Socioloxía, Comunicación Audiovisual, Dereito, Documentación, Economía, Estudos de Asia Oriental e Xornalismo.
2. Filoloxías (Alemá, Francesa, Galega, Hispánica, Inglesa, Portuguesa e outras), Lingüística e Teoría da Literatura e Literatura Comparada.
3. Publicidade e Relacións Públicas, Humanidades, Turismo, Administración e Dirección de Empresas (ADE), Filosofía, Historia, Socioloxía, Historia da Arte, Xestión e Administración Pública, Ciencias Actuariais e Financeiras, Medicina, Xeografía, Relacións Laborais, Traballo Social e Ciencias Empresariais.

Criterios de selección do grupo 1

A selección realizarase atendendo, en primeiro lugar, o expediente académico. En caso de empate, valoraranse os seguintes méritos, por esta orde:

• Posuír outro título oficial de máster: 2 puntos.
• Posuír unha segunda titulación universitaria: 1 punto.
• Publicacións científicas relacionadas coa tradución: ata 2 puntos.
• Traducións publicadas: ata 1 punto.
• Experiencia docente: ata 1 punto.
• Actividades de divulgación ou organización relacionadas coa tradución e a interpretación: ata 1 punto.
• Experiencia profesional en tradución e interpretación: ata 2 puntos.

Criterios de selección do grupo 2

As persoas candidatas deberán acreditar coñecementos previos ou un interese xustificado por especializarse en tradución e interpretación. A comisión académica poderá realizar unha entrevista persoal. A valoración efectuarase de acordo cos seguintes criterios:

• Nota media do expediente académico: ata 2,5 puntos.
• Entrevista persoal: ata 2,5 puntos.
• Carta de motivación na que se xustifique o interese pola tradución e interpretación: ata 2,5 puntos.
• Outros méritos: ata 2,5 puntos, incluíndo outro título de mestrado, unha segunda titulación universitaria, publicacións científicas, traducións publicadas, experiencia docente, actividades de divulgación ou experiencia profesional relacionada coa tradución e a interpretación.

O Mestrado en tradución para a comunicación internacional está dirixido a persoas graduadas cun bo dominio de linguas e un marcado interese pola comunicación intercultural, a tradución e a interpretación. Recoméndase especialmente a titulados/as en Tradución e Interpretación, Linguas Modernas, Filoloxía, Estudos Lingüísticos ou áreas afíns que desexen especializarse no ámbito da comunicación internacional, ampliar as súas competencias profesionais ou iniciar unha traxectoria investigadora.

Así mesmo, poderán acceder titulados doutras disciplinas, sempre que acrediten unha sólida competencia lingüística e unha motivación e interese por desenvolverse profesional ou academicamente no ámbito da tradución e da comunicación internacional.

Ten como obxectivo principal formar profesionais e investigadores capaces de afrontar os retos da comunicación multilingüe e intercultural nun contexto global. Para iso, proporciona unha formación avanzada que integra competencias lingüísticas, tradutolóxicas, tecnolóxicas e culturais, orientadas tanto ao exercicio profesional da tradución e da interpretación como á xestión da comunicación internacional.

O Mestrado en tradución para a comunicación internacional forma profesionais altamente cualificados para desenvolverse nun mercado laboral cada vez máis internacional e multidisciplinar. Os seus egresados desenvolven a súa actividade en empresas e institucións con proxección internacional, tanto en Galicia como no resto de España e no estranxeiro.

As saídas profesionais abranguen ámbitos moi diversos, entre os que destacan a tradución e a interpretación, o comercio exterior, a xestión de importacións e exportacións, a comunicación audiovisual e multimedia, así como os sectores sanitario, educativo e xudicial. Esta ampla formación permite ao alumnado adaptarse a diferentes contornos profesionais e dar resposta ás crecentes demandas da comunicación multilingüe e intercultural.

Ademais da súa orientación profesional, o MCTI constitúe unha excelente vía de acceso á investigación, proporcionando a formación necesaria para continuar a traxectoria académica mediante estudos de doutoramento e desenvolver proxectos de investigación no ámbito da tradución, da interpretación e da comunicación internacional.